Saturday, April 30, 2011

ကျည်တစ်တောင့်၏ အိပ်မက် (၉)

ထ်ိုင်ထိုင်ချင်း Snake က ..
"ကဲပြော .. မင်းတို့ အကြောင်းတွေ.. ဘာလို့ ဒီလိုလူကို တိုက်ခိုက်ချင်ရတာလဲ.. ဘယ်လောက်အထိမျှော်လင့်ထားတာလဲ.. "
ဇွဲနှင့် စနေတို့ Snake ကို အကြောင်းစုံ ပြောပြလိုက်ကြသည်..။ Sanke က ခေါင်းငြိမ့်ကာ ငြိမ့်ကာဖြင့် ..
"ဒီလောက်ဆို လုံလောက်ပါပြီလေ.." ဟုပြောပြီး တစ်စုံတစ်ရာကို စဉ်းစားနေဟန်ဖြင့် မျက်မှောင်ကုတ်ရင်း ငြိမ်နေသည်..။ စနေတို့လဲ အလိုက်တသိငြိမ်ပြီး Snake ကို ကြည့်နေကြသည်..။ Snake က မေးရိုးတစ်ဖက်တစ်ချက်တွင် အမာရွတ်ကြီးများရှိသည်မှအပ လူချောတစ်ဦးဖြစ်သည်..။ ဖျောင့်စင်းသောနှာတံ၏အောက်တွင် တစ်စုံတစ်ခုတွက် အမြဲ မဲ့ပြုံးပြုံးနေသော နုတ်ခမ်းတစ်စုံရှိသည်..။ ဟောင်ကောင်သားပီပီ အသားအရေ မှာဖြူဖွေးနေပြီး မျက်လုံးအစုံမှာမူ မြွေတစ်ကောင်၏ မျက်လုံးများကဲသို့ စူးရှတောက်ပြောင်နေသည်..။ Snake ကို ကြည့်နေရာမှ အလွန်နားပါးသော စနေ၏နားအတွင်းသို့ အသံသေးသေးလေးတစ်ခု ၀င်လာသည်..။ မိန်းကလေးတစ်ယောက် ၏အသံ..။
"ချမ်းပြောတဲ့ အတိုင်းဆို အာသာရဲ့ အဖွဲ့အစည်းတွေထဲ ထိုးဖောက်ဝင်တာ အကောင်းဆုံးပဲပေါ့.."
စနေမျက်လုံးပြူးသွားသည်..။ Snake လဲကြားပုံရသည်..။ သူ့နုတ်ခမ်းပေါ်ကို လက်ညှိုးတစ်ချောင်တင်၍ တိတ်တိတ်နေရန် အချက်ပြသည်..။ စနေ နှင့် Snake တို့ နှစ်ယောက် စက္ကူနံရံနားသ်ို့ ကပ်ပြီးနားထောင်လိုက်ကြသည်..။ ထိုအချိန်ကျမှ ဇွဲက အသံဗြဲကြီးနှင့်..
"ဘာလဲဟ.. ငါ့လဲပြောပါဦင်္း.."
စနေနှင့် Snake ဇွဲ၏ပါးစပ်ကို အမြန်လှမ်းပိတ်ပြီး Snake က အမူအရာနှင့် ပြောပြရသည်..။ စနေက အသံကိုနှိမ့်ပြီး...
"တိုးတိုးလုပ်ပါဟ.. ပိန်းပါ့.."
ဇွဲက အခုမှသဘောပေါက်သွားဟန်ဖြင့် ပြုံးပြီး...
"မင်းတို့ကမှ ပိန်းတာ.."
ပြောပြောဆိုဆိုပင် သူ့အိတ်ထဲမှ ပိုးကောင်အမဲလေးတစ်ကောင် ထုတ်လိုက်သည်..။ အမှန်တော့ ပိုးကောင်လေးတစ်ကောင်ကဲ့သို့ ကပ်စရာ ကုပ်စရာ ခြေထောက်လေးများပါသော Receiver Bug လေးတစ်ခုဖြစ်သည်..။ ဇွဲက စက္ကူနံရံပေါ်သို့ Bug လေးကို ကပ်ပြီး စနေနှင့်Snake တို့ကို နားကျပ်တစ်ခုစီပေးလိုက်ပြီး သူကိုယ်တိုင်လည်း နားကျပ်တစ်ခုကို နားထဲသို့ တပ်လိုက်သည်..။ တစ်ဖက်ခန်းမှ စကားသံများအား သူတို့နားတွင်ကပ်ပြောနေသည့် အလား ကြားလိုက်ရသည်..။
"အင်း.. ထိုးဖောက်ဝင်ဖို့ဆိုတဲ့ နေရာမှာ အခက်အခဲရှိတယ် ဆူး.. ငါတို့လုပ်ငန်းကလူတွေ အားလုံးကို သူတို့ သိထားမှာသေခြာတယ်.. အပြင်ကလူတွေကိုတော့ လုံးဝသုံးလို့မဖြစ်ဘူး.. ငါတို့အပေါ်သစ္စာရှိမယ့်လူ ဘယ်လိုရှာမလဲ.."
"မက်လောက်အောင် ပေးရင်ကော.."
"အာသာဆိုတဲ လူကြီးက ငါတို့ထက်ပိုမပေးနိုင်ဘူးလို့ထင်လို့လား.. နောက်ပြီး ငွေကြောင့် အလုပ်လုပ်တဲ့လူက ငွေနောက်ပဲလိုက်မှာပဲ..ဆူး.."
"အင်း.. အဲ့ဒါမှခက်တာပဲ..ချမ်းရယ်.."
"မခက်ပါဘူးဗျာ.. လွယ်မှလွယ်လွယ်လေးပါ.."
စနေ့နားထဲသို့ Snake ၏အသံကြီး အလုံးလိုက်ဝင်လာသည်..။ ဘေးကိုလှည့်ကြည့်လိုက်တော့ Snake နေရာတွင် ထိုင်ဖုံလေးတစ်ခုပဲ ပြားပြားလေးကျန်ခဲ့သည်..။ ဘယ်အချိန်က ထသွားမှန်းပင် သူတို့မသိလိုက်ကြ..။ ဇွဲက စနေ့ ကို...
"စနေရေ.. တို့လူကတော့ လူမိုက်ပီသ သွားပြီဟေ့..."
"ဒီထက်ပိုမမိုက်ခင် တားမှရမယ်.."
နှစ်ယောက်သားထကာ တစ်ဖက်ခန်းသို့ ပြေးကြသည်..။ ခြေသံတွေ ကျယ်လွန်းလှသဖြင့် စားပွဲထိုးများပင် လှည့်ကြည့်ကြသည်..။ ထို့ကြောင့် စားပွဲထိုးခေါင်းဆောင် ဖြစ်ဟန်တူသော မိန်ကလေးက အားလုံးအလုပ်ပြန်လုပ်ကြရန်ပြောလိုက်သည်..။ ကျေးဇူးတင်ကြောင်း အမူအရာလေးပြ၍ တစ်ဖက်ခန်းသို့လှမ်းဝင်သွားကြသဖြင့် စားပွဲထိုးမိန်ကလေး ဖုန်းရှိရာသွားပြီး တစ်နေရာသို့ ဆက်သည်ကို စနေရော ဇွဲပါ မသိလိုက်နိုင်တော့ပေ..။
"ကျွန်မတို့ဆီကို Snake ရောက်နေပါပြီရှင်.."
-------------------------------------------------------------------------------
အခန်းအတွင်းတွင်မူ....။
"ရှင်...ရှင်တို့တွေ ဘယ်သူတွေလဲ.."
Snake က
"မိတ်ဆွေတွေပါ.. An enemy of the enemy is a friend.. တဲ့.. ခင်ဗျားတို့ ခုဏကပြောနေတဲ့ ကွပ်လပ်ကို ကျွန်တော်တို့ ဖြည့်ပေးနိုင်ပါတယ်.."
"ဘာခင်ဗျားတို့ ချောင်းနားထောင်တယ်..ဟုတ်လား.. ဘယ်လိုလူတွေလဲဗျ.. "
ချမ်းက ဒေါသတကြီးအော်သည်..။ ဇွဲ က Snake ကိုဆွဲကာ
"လာပါဗျာ.. သူတို့က စိတ်ချရတဲ့လူတွေမှန်းမသိ..ဘာမသိနဲ့..."
Snake က ချမ်းကို ဂရုပင်မစိုက်...။ ဇွဲဘက်လှည့်ကာ..
"စိတ်ချရပါတယ်ကွ.. အာသာကြောင့် ကော့နေအောင်ခံလိုက်ရတဲ့ Fox ကုမ္ပဏီက အာသာ့ကို မကျေနပ်ဘူးဆိုတာထက် ပိုသေခြာတာတော့မရှိဘူး..."
"ရှင်..ရှင်.. ကျွန်မတို့ အကြောင်းတွေကို ဘယ်လိုသိလဲ.."
ဆူးအသံက tone တမျိုးပြောင်းသွားသည်..။ ခုဏကလို ရန်လိုခြင်းမရှိတော့..။
"သိတာပေါ့ဗျာ... ဒီကိစ္စက လျှို့ဝှက်ကိစ္စမှမဟုတ်ပဲ..နောက်ပြီး.. ခင်ဗျားတို့လဲ.. ကျုပ်ကြောင်းကိုသိပါတယ်.."
ဆူးကော ချမ်းဆီကပါ တညီတညာထဲ ထွက်လာသည်က..
"မသိပါဘူး.."
Snakeက တစ်ချက်ပြုံးပြီး...
"အဟင်းဟင်း.. ခင်ဗျားတို့ ကုမ္ပဏီပိုင် သတင်းစာ သတင်းတစ်ပုဒ်ထဲက အာသာတို့ လူတွေ ၀ိုင်းအနိုင်ကျင့်ခံလိုက်ရတဲ့.. သေလုမျောပါး လူတစ်ယောက်ရယ်.. ခင်ဗျားတို့ပိုင် ဆေးရုံမှာ သွားတွေအခွေလိုက်စိုက်ပြီး မေးရိုးခွဲစိတ်မှုခံခဲ့ ရတဲ့ လူနာတစ်ယောကိရယ်ကို ခင်ဗျားတို့ မသိဘူးဆိုတာ မဖြစ်နိုင်ပါဘူးဗျာ.. အဲ့ဒီ သတင်းနဲ့ အဲ့ဒီလိုခွဲစိတ်မှုတွေကနေ.. ခင်ဗျားတို့ အမြတ်တွေအများကြီး ရလိုက်တာပဲ..."
"သြ.. အဲ့ဒါရှင်ကို.."
"ကဲ..ဒီလောက်ဆိုလုံလောက်ပြီလား.."
ချမ်းနှင့် ဆူး တစ်ယောက်ကိုတစ်ယောက် ကြည့်ပြီ.. ခေါင်းငြိမ့်ပြလိုက်သည်..။ Snake ကဆက်၍...
"ကောင်းပြီ.. ဒါဆိုဆက်ပြောမယ်.. ဒီနှစ်ယောက်ကခင်ဗျားတို့ထက်ဆိုးတယ် .. "
သူ စနေတို့ အကြောင်းတွေကို အတိုချုံးပြီးပြောပြလိုက်သည်..။ ပြီးမှ..
"သူတို့က ဟောင်ကောင်ကလဲ မဟုတ်တဲ့ အတွက်.. ခင်ဗျားတို့ အကြံ အစည်နဲ့ လဲလိုက်တယ်.. ကဲ စဉ်းစား..."
ဆူး စဉ်းစားချိန်မရလိုက်ပါ..။ ဒိုင်းခနဲ သေနတ်သံ တစ်ချက်နဲ့ အတူ..
"Snake.. ထွက်ခဲ့ စမ်း မင်းဒီမှာဆိုတာ ငါတို့သိတယ်.. တစ်ကနေ တစ်ဆယ်အထိရေမယ်.. ထွက်မလာရင်တော့ ငါတို့ အဆိုးမဆိုနဲ့.."
Snake ၏လက်ထဲသို့ Sub-Machine တစ်လက်ဘယ်ကရောက်လာမှန်း မသိရောက်လာသည်...။ စနေ Snakeကိုကြည့်ပြီး အခြေအနေကို သဘောပေါက်လိုက်သည်..။ ဒါတိုက်ပွဲခေါ်သံ..။ သူု၏ ဘရတ်တာ 9mm ပစ္စတိုလေးကိုထုပ်ပြီး ကျည်စစ်လိုက်သည်..။လက်တစ်ဖက်က ခါးပတ်အောက်တွက် မြှုတ်ပြီးတပ်ဆင်ထားသော ဇွဲ ၏အခေါ် "စူပါခဲဘူးလေး" ကို ခလုပ်ဖွင့်လိုက်သည်..။ ထို့နောက် Snakeနှင့် စနေတို့ အခန်းအတွင်းရှိ တစ်မျိုးတည်းသော အကာအကွယ်ဖြစ်သော ထောင့်တိုင်လုံးများဆီသို့ တစ်ဖက်တစ်ချက် ပြေးကပ်လိုက်ကြသည်..။ စနေ ဇွဲတို့ကို စိတ်ပူစွာ လှည့် ကြည့်လိုက်တော့ ဇွဲက အလယ်ရှိ ကျောက်စားပွဲလေးထောင့်ကလေးကို ထောင်ပြီး ဆူးနှင့် ချမ်းကို ဆွဲသွင်းထားပြီးဖြစ်သည်..။ ဇွဲက အကွယ်မှခေါင်းထွက်ပြီး..
"စနေ.. Snake.. ငါ့ဆီကအချက်ပေးသံကိုစောင့်နော်.."
အပြင်မှရေတွက်သံက ဆက်တိုက်ပေါ်ထွက်နေသည်..။
"ကိုး.. ရှစ်.. ခွန်.. ထွက်မလာရင်ငါ့အဆိုးမဆိုနဲ့ နော်.. Snake.."
ဇွဲ အိတ်ထဲမှ ဘောလုံးလေးတစ်လုံးနှင့် remote control လေးတစ်ခုထုတ်လိုက်သည်..။ အတွင်းတွင် electro-magnetic ၀ိတ်တုံးများပါရှိသည့် အလိုရှိရာသို့ လှိမ်းသွားနိုင်သော ဘောလုံးလေး..။ အလယ်ဗဟိုတွင်တော့ ဘောလုံး၏လှုပ်ရှားမှုအတိုင်း မလိုက်ဘဲ လွတ်လပ်စွာ လှည့်လည်ကြည့်နိုင်သော ကင်မရာလေးတစ်လုံးပါသည်..။ ဇွဲ ဘောလုံးလေးကို ကြမ်းပေါ်သို့ချပြီး screen လေးတစ်ခုပါဝင်သော.. control မှတစ်ဆင့် တံခါးဝသို့ လှိမ့်သွားလိုက်သည်..။ စနေက အချိန်ကိုက်ပင် အောက်ဆုံး စက္ကူတစ်ကွက်ကို ခြေထောက်ဖြင့် ဖောက်ပေးလိုက်သည်..။ ဇွဲက ကျင်လည်စွာပင် ထိုအပေါက်မှ ဘောလုံးလေးကိုမောင်းထွက်လိုက်သည်..။ ကင်မရာလေးက်ို လှည့်ကြည့်လိုက်သည်..။ ထို့နောက် နံပါတ်စဉ်ရေနေသော လူထွားကြီး၏ ဖိနပ်ဦး ကင်မရာထဲ ပေါ်လာသည်အထိလှိမ့်သွားလိုက်သည်..။ ရေတွက်သံက ဆက်လက်ထွက်ပေါ်နေသည်..။
"ခြောက်... ငါး.. လေး.."
အသံ ရုတ်တရက် ရပ်သွားသည်..။ အလုံးလေးကို နားမလည်စွာကြည့်ရင်း ကောက်ကိုင်ကြည့်လိုက်သည်..။ ဘေးမှ နှစ်ယောက်ကလဲ ကပ်လာပြီးကြည့်ကြသည်..။ သူတို့တစ်ခုတည်းသော မြင်တွေ့လိုက်ရသည်မှာ ကင်မရာလေးသူတို့ဘက်လှည့်လာ ခြင်းပင်ဖြစ်သည်..။ ဇွဲနုတ်ခမ်းမှ အသံတိုးတိုးလေးတစ်သံထွက်လာသည်..။
"Good... bye!"
Remote ပေါ်ရှိ အနီရောင်ခလုပ်လေးကိုနှိပ်လိုက်သည်..။ ခလုပ်ပေါ်တွင် ဇွဲ၏လက်ရေးသော့သော့ ဖြင့်ရေးထားသော စာသားမှာ.. "self destruct"...။
'၀ုန်း' ခနဲပေါက်ကွဲံသံနှင့် အတူ.. ဘောလုံးလေးက်ို ငုံ့ကြည့်နေသူ သုံးယောက် မစခင်မှာပင် အဆုံးသတ်သွားကြသည်..။
"ဒက်ဒက်ဒက်.."
ကျည်ဆံတွေ အခန်းအတွင်းသို့ တရစပ်ဝင်လာကြသည်..။ Snake က ထိုင်ချလိုက်ပြီး တိုင်အကွယ်မှ လက်တစ်ဖက်ထွက်ကာ ကြမ်းပြင်ကို ကပ်ပြီး မောင်းကိုညှစ်လိုက်သည်..။ အတောင့် ၃၀ ပါသော ကျည်ကပ်အကုန်..။ ခြေထောက်တွေချည်း ဖြတ်အပစ်ခံရသဖြင့် တ၀ုန်းဝုန်း လဲကျသံနှင့်အတူ ညည်းတွားသံများ အစီစီ ထွက်ပေါ်လာသည်..။ စနေ ထို ညည်းတွားသံများ ပေါ်ရာနေရာသို့ တစ်ချက်ချင်း မှန်းပစ်သည်..။ မောင်းတစ်ချက်ဆွဲ အသံတစ်သံ တိတ်သွားသည်..။ အခြေအနေ မဟန်ပုံရသော အပြင်မှ သကောင့်သားများက...
"ဟေ့ကောင်တွေ.. အကူတွေအမြန်ခေါ်.. အမြန်ခေါ်.."
ဒီအတိုင်းဆိုလျှင် စနေတို့တာရှည် တောင့်ခဲနိုင်မည့်ပုံမပေါ်..။ Snake က ဇွဲကိုလှမ်းပြီး..
"ဇွဲ.. မင်းသူတို့နှစ်ယောက် ကိုခေါ်ပြီး.. အခန်းအနောက်ဖက်နံရံကိုဖေါက်ပြေးတော့..အပြင်မှာ ၀ါးတောတစ်ခုရှိတယ်.."
ဇွဲ ဇဝေဇ၀ါဖြစ်သွားသည်...။ ဟောင်ကောင်မြို့ထဲနှင့် ၀ါးတောနှင့် လားလားမှမဆိုင်..။ သို့သော်ပြောမနေတော့...။ မောင်းချဓါးဖြင့် အနောက်ဖက်နံရံ ကို ထိုးခွဲလိုက်သည်..။ မောင်းချဓါးကတော့ စက္ကူနံရံကို ခွဲရတာ ပျင်းတောင်ပျင်းနေမလား မသိ..။ ဇွဲ ဆူးနှင့်ချမ်းကို ဆွဲ၍ အပြင်ဘက်သို့ခုန်ထွက်လိုက်သည်..။ အပြင်ဘက်တွင် အမှန်တကယ်ပင် ၀ါးတောတစ်ခုရှိနေသည်..။ သို့သော် artificial ၀ါးတော..။ လူလုပ်ထားသော အလှဝါးတော့ပင်ဖြစ်သည်..။ ဘာပဲပြောပြော ကျည်ကွယ်မဖြစ်ဦးတော့ မျက်ကွယ်တော့ ဖြစ်သည်..။ Snake က ဇွဲတို့ထွက်သွားပြီးလျှင်ပြီးချင်း စနေ့ကိုလှည့် ၍ မျက်ရိပ်ပြသည်..။ စနေက..
"ခင်ဗျား အရင်လစ် Snake.. ကျွန်တော် ကာပစ်ပေးထားမယ်.."
"OK.. စနေ.. ကျွန်တော်အပြင်ရောက်တာနဲ့ ခင်ဗျားလဲ ဆုတ်ခဲ့တော့နော်.."
စနေခေါင်းငြိမ့်ပြပြီး အပြင်ဘက်သို့ နှစ်ချက်လောက်လှမ်းပစ်လိုက်သည်..။ အပြင်မှလဲပြိုသံတစ်ခုနှင့်အတူ Snake ကျောက်စားပွဲအကွယ်သို့ ခုန်ကူးသွားသည်..။ Snake အပြင်ရောက်သွားတာသေခြာမှ စနေ အပစ်ရပ်လိုက်သည်..။ တိုင်ကို ကျောကပ်ပြီး.. ကျောက်စားပွဲ အနောက်ကို ခုန်ကူးဖို့ အားယူလိုက်သည်..။ ထိုအချိန် အပြင်ဘက်မှ မမျှော်လင့် ထားသော ဧည့်သည်တစ်ယောက်ဝင်လာသည်..။ မဲနက်ပြောင်လက်နေသော လက်ပစ်ဗုံးတစ်လုံး ..။ စနေစဉ်းစားချိန် မရှိတော့..။ စားပွဲ နောက်သို့ ဒိုင်ဗင်ထိုးဝင်လိုက်သည်..။
"အုန်း"ခနဲ အသံနှင့် အတူ ကျောက်စားပွဲကြီး စနေ့ အပေါ်ပိကျလာသည်.. ။ ထို့နောက်တွင်တော့ စနေ၏ တလောကလုံး အမှောင်ကျသွားသည်..။ အပြင်ဘက်မှ.. ညာသံပေးပြီးဝင်လာကြသော ခြေသံများသာနောက်ဆုံးကြားလိုက်ရသည်..။
--------------------------------------------------------------------
စနေပြန်သတိရတော့ သူ့တကိုယ်လုံး စိုစွတ်ကိုက်ခဲနေသည်..။ သူဘယ်ကိုရောက်နေသည်ကို စဉ်းစားကြည့်သည်..။ သု...

No comments:

Post a Comment